Met olema viranomhainen jolla on tehtävä Ruotsin valtiolta ja valtiopäiviltä kattoa perhään ette yritykset ja orkanisasjuunit seuraavat lakia jokka koskevat työmiljöötä. Sen met tehemä muun muassa ette:

• ottaa framile tarkat säänöt joitten lähtökohta on työympäristölaki
• inspekteeramalla työpaikkoja koko Ruottissa ja sillä tavala valvoa ette yritykset ja orkanisasjuunit seuraavat lakia ja sääntöjä
• levittää tietoja työmiljöökysymyksistä.

Työnantaja on vastuussa sinun työmiljööstä

Se on työnantaja jolla on päävastuu työpaikan työmiljööstä. Kun met olema vierailemassa eri työpaikoissa met kattoma miltä työmiljöö näyttää ja tarkistama ette työmiljöön lakia ja sääntöjä seurathaan. Jos met löyämä puutheelisuuksia työnantaja tarttee toimittaa net.

Sinun eustaja työpaikala

Monessa työpaikassa Ruottissa on niin kuttuttu turvaombyyti (skyddsombud). Turvaombyyti on henkilö joka eustaa työläisiä ja saattaa panna vaatimuksia työmilhjööhön ja työnantajalle. Jos sulla on prupleemia töissä sie saatat puhua sinun turvaombyytin kans.

Kontaktaa meitä

Sie saat kiini meät telefuuninumerola +46 (0)10-730 90 00 eli arbetsmiljoverket@av.se. Meän työtekijät puhuvat monta eri kieltä ja vastaavat kysymykshiin maanantaista perjantaihin 08.00–11.30.

Meitä on noin 600 työntekijää jokka on monessa paikassa ympäri maata, pohjosesta etelhään ja pääkontturi on Tukholmassa. Sie olet aina tervetulonen kontaktaamhaan meitä jos sulla on kysymyksiä työmiljööstä, säänöistä, lakimääräyksistä eli meän e-palveluista.

Kaipaatko käänöstä?

Informasjuuni tällä kielelä on rajotettu. Laajempi informasjuuni on meän ruottin ja englantin kielisillä sivuila. Jos on tarvetta met saatama kääntää lissää tekstiä. Ota yhteyttä meihin arbetsmiljoverket@av.se kun on toivomuksia käänöksistä.